Məktəb seçimi zamanı valideynlərin qarşısına çox alternativlər çıxır. Yaşayış yerinə yaxın məktəbləri seçən valideynlərlə yanaşı, təhsilverənlərin şəxsiyyətyönümlü insan yetişdirdiyi və bu sahədə təcrübəsi geniş olan məktəblərə üstünlük verən valideynlər də çoxdur. Bəzən məktəblinin özünün fərdi xüsusiyyət və keyfiyyətlərinə də diqqət yetirən məktəblərə və təhsilverənlərə ehtiyac duyulur. Bu mənada özəl məktəblərin təcrübəli və müasir təhsil standartlarını əsas alan müəllimləri xüsusilə seçilir. Amma özəl məktəblərdə övladını öxutmağa hər valideynin imkanı çatmır.