“Xalq sənətkarlığı və təsviri-dekorativ sənət” ustad dərsləri

V Qrup
Xalq sənətkarlığı və təsviri-dekorativ sənət

Tarix: 06-10 aprel 2026-cı il, saat 09.30-13.30
Təşkilatçı: Miras Mədəni İrsin Öyrənilməsinə Kömək İctimai Birliyi
Tədris forması: Layihə əsaslı öyrənmə (PBL)

Qrupa daxil olan qeyri-maddi mədəni irs elementləri:
Lahıc misgərlik sənəti;
Sədəf sənətkarlığı;
Miniatür sənəti;
İllüminasiya sənəti (Təzhib).

Müddət: 5 gün
Günlük tədris: 4 saat
Ümumi saat sayı: 20 saat

Məkan: Zərgərpalan hamamı, Bakı şəhəri Yasamal rayonu Həmidağa Hüseynzadə küçəsi 11, Nizami metrosunun yaxınlığı

Bu proqram Azərbaycan xalq sənətkarlığının və təsviri-dekorativ sənətinin qeyri-maddi mədəni irs kontekstində öyrənilməsinə yönəlmiş kompleks tədris kursudur. Təlim çərçivəsində iştirakçılar sənətkarlıq ənənələrinin tarixi inkişafı, estetik xüsusiyyətləri və sosial-mədəni funksiyalarını öyrənir, eyni zamanda ustad dərsləri və praktiki məşğələlər vasitəsilə bu sənət növlərinin texniki və yaradıcı prinsipləri ilə tanış olurlar.

Proqramın məqsədi:
Qeyri-maddi mədəni irs anlayışının sənətkarlıq kontekstində mənimsənilməsi;
Azərbaycan xalq sənətkarlığının əsas növlərinin tarixi və estetik xüsusiyyətlərinin öyrənilməsi;
Lahıc misgərlik, sədəf, miniatür və təzhib sənətlərinin texniki və bədii prinsiplərinin mənimsənilməsi;
Sənətkarlıq ənənələrinin qorunması və ötürülməsi mexanizmlərinin təhlili;
İştirakçıların yaradıcılıq bacarıqlarının inkişaf etdirilməsi.

Əsas tədqiqat sualı:
Azərbaycan xalq sənətkarlığı nümunələri qeyri-maddi mədəni irs kontekstində müasir dövrdə necə qoruna və davam etdirilə bilər?

Öyrənmə nəticələri:
Proqramın sonunda iştirakçılar
Qeyri-maddi mədəni irs anlayışını sənətkarlıq kontekstində izah edə biləcək;
Azərbaycan xalq sənətkarlığının əsas növlərini tarixi və estetik baxımdan təhlil edə biləcək;
Lahıc misgərlik, sədəf, miniatür və təzhib sənətlərinin əsas texniki xüsusiyyətlərini tanıya biləcək;
Sadə sənət nümunələrinin hazırlanmasında iştirak edə biləcək;
Sənətkarlıq ənənələrinin qorunması və ötürülməsi yollarını izah edə biləcək.

Tədris məzmunu və mərhələlər

I Modul – Xalq sənətkarlığına giriş və Lahıc misgərlik sənəti (4 saat)

I gün – 06.04.2026 – saat 09.30-13.30

Qeydiyyat və proqramla tanışlıq – Məleykə Hüseynova – “Miras” Mədəni İrsin Öyrənilməsinə Kömək İctimai Birliyi

Qeyri-maddi mədəni irs anlayışı – Prof.Dr. Şikar Qasımov – Bakı Mühəndislik Universiteti

Lahıc misgərlik sənəti – Nəzər Əliyev – “Lahıc” Dövlət Tarix və Mədəniyyət Qoruğu

Ustad dərsi:
Mis üzərində işləmə texnikaları

II Modul – İllüminasiya sənəti: Təzhib (4 saat)

II gün – 07.04.2026 – saat 09.30-13.30

Təzhib sənətinin tarixi və mahiyyəti. Əlyazma mədəniyyəti və bəzək üslubları – Dr. Şəhla Xəlilli – AMEA M. Füzuli adına Əlyazmalar İnstitutu

Ustad dərsi:
Qızıl suyu ilə işləmə texnikası;
Kompozisiya və ahəng prinsipləri.

Praktiki məşğələ:
Sadə təzhib elementlərinin tətbiqi

III Modul – Miniatür sənəti (4 saat)

III gün – 08.04.2026 – saat 09.30-13.30
Azərbaycan miniatür sənətinin tarixi və inkişaf mərhələləri – Nərmin İmanova – “Miras” Mədəni İrsin Öyrənilməsinə Kömək İctimai Birliyi

Ustad dərsi:
Klassik miniatür nümunələrinin təhlili, sadə eskizlərin çəkilməsi və rənglərin tətbiqi – Pərinisə Əsgərova – Miniatür rəssamı

Praktiki məşğələ:
Miniatür eskizlərinin hazırlanması

IV Modul – Sədəf sənətkarlığı (4 saat)

IV gün – 09.04.2026 – saat 09.30-13.30

Sədəf sənətinin mahiyyəti, tarixi və tətbiq sahələri – Balabəy Balabəyov –

Praktiki məşğələ
Sadə ornament nümunələrinin hazırlanması

V Modul – İnteqrasiya və yekun təqdimat (4 saat)

V gün – 10.04.2026 – saat 09.30-13.30

Ümumiləşdirmə və interaktiv müzakirə:
Öyrənilmiş sənət nümunələrinin müqayisəli təhlili;
Sənətkarlıq ənənələrinin müasir dövrdə yaşadılması;
Usta-şagird ənənəsinin rolu;
Gənc nəslin sənətkarlığa cəlb edilməsi.

Yekun yaradıcılıq işi:
İştirakçılar seçdikləri sənət növü üzrə
Sadə sənət nümunəsi hazırlayır;
İş prosesini izah edir;
Hazırlanmış işi təqdim edir.

Qiymətləndirmə mexanizmi:
Elmi və tarixi əsaslandırma – 25 %
Texniki icra – 20 %
Estetik quruluş – 20 %
Yaradıcılıq yanaşması – 15 %
Təqdimat bacarığı – 20 %

Qiymətləndirmə prosesi fasilitativ və summativ xarakter daşıyır.

📞 Əlaqə: +994 50 610 70 50
📧 E-poçt: miraspresscenter@gmail.com

Oxşar yazılar:

“Mədəni irs beynəlxalq ustad məktəbində qeyri-maddi mədəni irs dərsləri və sərgisi” layihəsinin təqdimatı Beynəlxalq Mədəni İrs Ustad Məktəbində “Qonaqpərvərlik, süfrə və sosial ünsiyyət mədəniyyəti” üzrə ilk tematik qrupun dərsləri keçirilib Beynəlxalq Mədəni İrs Ustad Məktəbində tematik qruplar üzrə ustad dərsləri davam edir Qeyri-maddi mədəni irs üzrə layihə əsaslı dərs proqramları hazırlanıb